Bebe Rexha organizoi një festë “Halloween-i” me miqtë e saj, e njëri prej tyre vendosi të vishte një veshje karakteristike meksikane. Shumë prej ndjekësve kritikuan zgjedhjen e tij dhe madje fajësuan këngëtaren shqiptare, se përse e kishte pranuar në festën e saj, pasi ky është një veprim tejet racist.
Në një intervistë për “TMZ” nga aeroporti i Los Angeles, Bebe Rexha iu kërkoi të gjithëve të qetësohen sepse nuk ka asgjë për t’u alarmuar. Ajo mbrojti mikun e saj, duke shpjeguar se ai është me origjinë nga Meksika dhe ndihet shumë krenare për këtë fakt.
“Fansat nuk e dinin se ai është meksikan dhe reaguan ashtu. Por lëreni të shkretin të bëjë atë çfarë dëshiron sepse ai është i lumtur dhe krenar që është meksikan” – u shpreh Bebe Rexha.
