Kendall Jenner nuk është aspak e lumtur me revistën “TMZ” dhe këtë e tha përpara të gjithë botës. “TMZ” publikoi në një lajm të martën, vendodhjen e saktë të shtëpisë së supermodeles dhe nuk vonoi shumë kur një fans u shfaq në pishinën e saj.
Ai u identifikua si John Ford, 37 vjeç dhe ndodhet në rajonin e policisë së Los Angeles. Përmes disa postimeve në profilin e saj në “Twitter”, Kendall dënon veprimin e revistës dhe u bën thirrje të kuptojnë se vendosën në rrezik jetën e saj.
“Si mendoni se unë ndihem kur këta njerëz të frikshëm e dinë se ku ndodhet shtëpia ime? Sepse ju nuk publikuat vetëm fotot por edhe vendodhjen time. Nuk është aspak e sigurtë! Ku është respekti ndaj privatësisë???”
“Unë e kuptoj se për çfarë kam rënë dakort kur zgjodha të isha e famshme, por fakti që ju publikoni vendodhjen ekzakte se ku unë jetoj, vendos jetën time në rrezik”
“Shtëpia është vendi juaj i sigurtë. Por falë njerëzve të papërgjegjshëm si ju, shtëpia për mua nuk është asgjë. Nuk ndihem e sigurtë as në shtëpinë time. Duhet t’ju vijë turp nga vetja”
Nuk është hera e parë që Jenner përballet me të tilla incidente. Në vitin 2016, ajo denoncoi një burrë, i cili e ndiqte këmba këmbës dhe u shfaq edhe në shtëpinë e saj.
