Pasditen e së enjtes, një 16-vjeçar mbeti i vrarë në Fier, pas një sherri me thika të ndodhur në qendrën e qytetit. I riu, Dionis Vrenozi u gjet i pajetë nga kalimtarët në zonën e ‘Zogut të Zi’ pranë gjimnazit ‘Janaq Kilica’.
Policia ka bërë të ditur se tre orë pas vrasjes, Florian G., i cili dyshohet se është autor i krimit, është vetëdorëzuar. 17-vjeçari ishte shpallur në kërkim nga policia, momente pas ngjarjes së rëndë. Dyshohet se viktima humbi jetën si pasoje e një sherri me thika mes tre të rinjve.
Policia bën me dije se është ngritur grupi hetimor, i cili po punon për zbardhjen e plotë të rrethanave të ngjarjes.
Burimi: Ballkanweb.al
