Lotaria Amerikane u hap nga data 3 tetor dhe do të vijojë deri më 6 nëntor. Ambasada amerikane në Tiranë shpesh publikon këshilla për mënyrën, sesi duhet të plotësohet formulari i aplikimit online.
Përmes një postimi në “Facebook”, Ambasada bën me dije se sot në orën 15:00 personeli do t’u përgjigjet në kohë reale të gjitha pikëpyetjeve të atyre që kanë paqartësi për procesin.
“Bëhuni gati të postoni pyetjet tuaja mbi Lotarinë Amerikane, sot në orën 15:00. Personeli i Konsullatës do t’ju përgjigjet në kohë reale mbi çdo gjë që duhet të dini mbi aplikimin e Lotarisë Amerikane”, shkruan në ‘Facebook’ ambasada.
Pesë këshillat që duhet të keni parasysh nëse ende nuk keni aplikuar për Lotarinë janë: Lexoni rregullat, aplikoni vetëm një herë, sigurohuni që foto është e saktë, kontrolloni mirë të dhënat dhe aplikimi është falas.
