“Ballkanweb” ka arritur të sigurojë përgjimin ambjental të bërë në Prokurorinë e Krujës në datën 29 shtator, mes Xhisiela Malokut dhe Rexhep Rrajës. Prokurorja e çështjes Mirela Kapo, ka pyetur ndarasi dy të rinjtë, e më pas ka bërë ballafaqimin e tyre, një ditë përpara se djali i deputetit socialist të arrestohej. Dy të rinjtë janë rregjistruar për më shumë se 2 orë e 30 minuta dhe në momentin që kanë qënë vetëm, Xhisiela i rrëfen ish-të dashurit se nuk ka pranuar të flasë për dhunën.
Xhisiela: Ja për këtë, nuk mbaj mend thash, nuk du t’flas për tjetër njeri. A e ke dhënë me dijenin tënde a t’ka detyru kush? Jo, vetëm për kët tha, për dhunën nuk do t’flas thash nuk jam në gjendje.
Rraja: Ku do t’flasësh?
Xhisiela: N’Tiranë
Rraja: Po a e kena lanë që këna shpresat matanë, mos me u humb shpresat.
Gjatë bisedës, zbulohet se lidhja mes tyre ka përfunduar pasi deputeti socialist nuk kishte dhënë bekimin për këtë marrëdhënie. Sipas “Ballkanweb”, deputeti Rrahman Rraja është shprehur se do ta bëjë lanet të birin nëse shkon pas 25-vjeçares. Gjithashtu, të rinjtë janë treguar shumë të kujdesshëm, duke përdorur kode gjatë komunikimit me njëri-tjetrin. Ndërkohë që Xhisiela i thotë ish-të dashurit se ata kanë ushtruar disa herë dhunë, ndërkohë që ky i fundit mohon se ka pasur armë.
Xhisiela: Jena rraf 100 here sa jena rraf ne?! Edhe unë t’kam rraf një herë ta dish! Do t’denoncosh?
Rraja: Pistolete nuk kam përdor ndonjëherë ndaj m’vje inat.
“Ballkanweb” raporton se të rinjtë i drejtoheshin njëri-tjetrit me fjalë fyese dhe në fund diskutojnë se ku do të drekojnë së bashku.
Xhisiela: Do ikim pastaj të hamë nai gjo se vdiqa?
Rraja: Po a tu prit Indriti, pra do ikim me hangër bukë.
Xhisiela: Do vijsh ti?
Rraja: Po do vij unë. Prandaj po t’ them mos prish punë.
Xhisiela: Jo mor s’prish punë, por ti m’hangre m’çmene. I kam hudh fare, m’kanë marrë në pytje disa herë.
Rraja: Po mirë unë du ta shikoj ta lexoj.
Xhisiela: Po i kam hedh mor qafsh t’gjithë.
