Duket se kohët e fundit është kthyer në trend që personazhet e njohur të showbiz-it shqiptar të urojnë veten të parët në ditën e tyre të lindjes. Këto urime që në fillim dukeshin paksa të çuditshme kanë filluar të bëhen të zakonshme dhe tani presim nga një urim special nga secili prej tyre për veten. Disa nga VIP-at shqiptarë që kanë hedhur të parët këto urime janë: Adola Dushi, Aurela Gaçe, Olti Curri, Rozana Radi etj.
1.Aurela Gaçe
Aurela Gaçe feston sot ditëlindjen e saj dhe si pa komplekse që është nuk ka ngurruar të urojë veten me një urim plot humor, duke postuar një foto kur ishte thjesht një fëmijë i vogël dhe duke shkruar: “Sot jam 20 vjeç dhe jeta më thërret… Sot se si ndihem, si më e rritur, se edhe nxë njeriu me kalimin e kohës”.
2.Ylli Limani
Një tjetër këngëtar shqiptar që na surprizoi para disa javësh me urimin special për veten në ditën e lindjes ishte Ylli Limani. Edhe ai me një foto të hershme fëmijërie tha disa fjalë të ndjera për veten.
“Po të mund të ktheja kohën pas, në kohën e këtij kaçurrelit në foto i kisha thënë që veshët nuk i ke llapoq, puçrrat do të hiqen me kalimin e kohës, edhe s’ke nevojë ta marrësh jetën shumë seriozisht. I kisha thënë mos të mërzitej për gjithçka pa lidhje dhe me fillu me i fal njerëzit , se të githë gabojmë. Do I thoja të shikonte më pak televizor, të lexonte sa më shumë, dhe normal që të këndonte. Mos të ndalej duke kënduar. Do i thoja që një ditë do të arrinte t’i bënte krenarë njerëzit më të rëndësishëm që ka në jetë, edhe çdo hap drejt suksesit, i bukur apo i vështirë, do t’ja vlejë. Do t’ja vlejë sepse do të kesh përreth njerëz që vërtet të duan. Gjëja kryesore, do i thoja që do të bëhet mirë, edhe kur të duket se s’ka më keq. Shumë urime për Yllin” – shkruante këngëtari në postimin e tij.
3.Mozzik
Gjithashtu reperi i famshëm shqiptar, Mozzik uroi veten për ditëlindjen e tij të 23-të me një dedikim për familjen, partneren dhe fansat e tij.
“Sapo mbusha 23 vite ! Zoti im i madh të jam falenderues për çdo frymëmarrje deri sot e çdo të mirë në jetë që zuri vend e do vazhdojë kështu inshallah edhe shumë vite të tjera .
Faleminderit familjes që më dhanë “kohë” e jo rrahje/dajak që ti bëj krenarë me punën time .
Faleminderit gruaja ime për dashurinë e respektin e sinqeriterin ndaj meje, që çdo ditë e më shumë vetëm po rritet.
Shoqëri e dashur faleminderit për çdo të mirë që më ofruat çfarë do që ka qenë u jam falenderues.
Fansa ndihem i fyer t’iu quaj fansa sepse vërtetë keni krijuar një vend të madh në zemren time, vërtetë jeni me mua në çfarëdo lloj situate , faleminderit .Gëzuar për mua!” – shkruante Mozzik në ditëne tij të lindjes.
4.Rozana Radi
Rozana Radi veçse një këngëtare e suksesshme është gjithashtu edhe një tekstshkruese shumë e mirë dhe si e tillë ajo nuk mund të qëndronte në heshtje dhe pa një dedikim special për veten në ditëlindjen e saj.
“Uroj që vitet që kalojnë të mos ma largojnë asnjëherë buzëqeshjen vizatuar në fytyrë. Këtë buzëqeshje që spontanisht shpërthen në portretin tim kur kujtoj që gjërat e thjeshta, më lumturojnë më shumë.
Uroj që të jetoj gjithmonë me emocione!
Uroj që një ditë të bëhem qytetare e botës. Uroj që të mos e humbas kurrë shpirtin tim të iniciativës. Uroj që të kem zë, zë atëherë kur më duhet më tepër se kurrë. Sepse nuk kemi lindur për të ndenjur ulur, kemi detyrën që të ngrihemi e ta lemë lirinë të marri formë nëpërmjet gjesteve tona. Uroj që të kem kurajo. Uroj që ta jetoj n çdo moment jetën time me të gjitha zhgënjimet, gabimet e gëzimet , ta shijoj në çdo qelizë dhe të kem gjithmonë një palë këpucë me taka përpara të cilat të më kujtojnë që mund të arrij gjithmonë aty ku dua. Uroj të kujtohem gjithmonë të vë veten time në vend të parë, sepse ta vendosesh veten në vend të parë është pozicioni më i mirë i lumturisë dhe i dinjitetit e nuk do të lejojë askënd të ma ndryshojë këtë mendim as për një palë “këpucë Louboutin.” Uroj të mos e braktis kurrë fëmijën brenda meje, të njëjtën fëmië që shumë vite më parë shikohej në pasqyrë e veshur me një fund tutu rozë me dëshirën e madhe për t’u rritur, ja tek jam po ajo vajza e vogël që sot ulet përpara një kompiuteri dhe i transformon kujtimet e saj në fjalë.
Uroj që të kem shumë kohë. Për të lexuar një libër ndërkohë që jashtë bie shi dhe unë arratisem poshtë kuvertës së krevatit, kohë për të dëgjuar Minen , Celentanon, Michael Bublè duke ëndërruar një kercim me tim atë, të mbyll sytë e të shndërrohem në një spektatore të jetës time, të blej një apartament në jug të Italisë, të pi një kafe me time motër , të zhytem në vaskën me qirinj të ndezur anash, të kultivoj pasionet e mia, të konsumoj çokollata shtrirë në divanin e kuzhinës time duke ndjekur komedi amerikane.
Uroj që të gjej lumturinë ! Në një perqafim, në dy sy që më shikojnë dhe shkelqejnë, në një mesazh, në një frazë, në një kujtim, në një surprizë të thjeshtë. Uroj që femijet e mi nesër të më duan po aq shumë sa i dua unë prindërit e mi dhe pse vite pa i parë”! – shkruante Rozana në dedikimin e ndjerë.
5.Adelina Tahiri
Adelina kishte dëshirë ta quante veten mbretëreshë në urimin dedikuar vetes për ditëlindje. Me një postim në Instagram ku shkruante:” Sot ka lindur një mbretëreshë. Gëzuar ditëlindjen për mua”, këngëtarja uroi shkurt dhe qartë veten për 26- vjetor.
6.Olti Curri
Olti Curri e uroi veten në një mënyrë mjaft origjinale, ashtu siç vetëm ai di.
“Gëzuar ditëlindjen Olti… Hiq ndonjë mosmarrëveshje të vogël, në përgjithësi kemi shkuar shumë mirë bashkë” – i tha Olti vetes për ditëlindje.
7.Adrola Dushi
Modelja e famshme shqiptare zgjodhi që ditëlindjen e saj të 25-të të falenderonte të gjithë njerëzit e dashur për të. Ajo i dedikoi disa fjalë speciale të birit duke shprehur gjithë ndjenjat për të.
“Sot u bëra 25 vjeç. Në këto 25 vite në jetën time kanë ndodhur shumë gjëra të mira dhe më pak të mira.
Ndihem pak çuditshëm dhe s’e kuptoj tamam se çfarë po ndjej, por ndjesia më e mirë është se jam shumë falenderuese ndaj Zotit dhe çdo personi që ka hyrë në jetën time.
Jam me fat për familjen time, për të afërmit e mi, për shoqërinë time, për ata njerëz që kanë besuar tek unë. Falë të gjithëve ju, unë jam Adrola.
E di që kam dhe shumë vite për të jetuar, për t’u rritur, për të mësuar, për t’u forcuar e për të mos u trembur nga surprizat që jeta i sjell, por sinqerisht shumë herë jam ndjerë e thyer dhe shumë e lodhur.
Dhe ka mjaftuar një shikim, një fjalë, një puthje a përqafim prej birit tim që gjithçka të ndryshojë. Troi i mamit, ti je drita ime e syve dhe je bekimi më i madh në jetën time. Ti je suksesi, shpëtimi dhe mbrojtja ime. Koha që ‘vjedh’ nga ty është gabimi që më peshon më shumë se çdo gjë tjetër. Gjithë jetën do jem e përulur para teje dhe gjithë jetën do jem për ty. Të dua shumë, sa qielli, sa bota, sa gjithë yjet, hëna dhe dielli bashkë dhe shpresoj që një ditë të të bëj sadopak krenar. U bëfsha edhe 100 vjeç o shokë e shoqeni, me ju dhe me familjen time të shtrenjtë pranë. Zoti ju bekoftë të gjithëve për dritën që keni sjellë në jetën time”,-ka shkruar ajo.
