Reperi Drake zbuloi pak ditë më parë në një intervistë se do të dëshironte një familje me këngëtaren Rihanna.
Ai foli në një intervistë të hapur me basketbollistin LeBron James në programin e tij në HBO, ku tha se kishte pasur ëndrra të mëdha me të.
Drake tregoi ëndrrën e tij për të krijuar familje dhe për të pasur një jetë si i dashuruar.
“Kanë filluar fjalët: ’Oh, Drake nisi një familje me Rihanna-n’. Kjo është perfekte. Dukej shumë mirë në letër. Dhe meqë ra fjala, atë doja edhe unë në atë periudhë në kohë”, u shpreh ai
Dhe menjëherë pas kësaj deklarate bombë, ka ardhur edhe reagimi jozyrtar i këngëtares.
‘Hollywood Life’ shkruan se Rihanna ka pasur të njëjtat mendime si ai gjatë kohës që ata të dy kanë qenë të lidhur.
“Rihanna është e kënaqur që ka dëgjuar se Drake dëshironte të krijonte një familje me të, duke qenë se edhe ajo ka dashur të njëjtën gjë”, ka thënë një burim pranë këngëtares.
Më tej ky burim ka treguar se Rihannës i vjen keq që kjo nuk ndodhi mes tyre, por nga ana tjetër ajo është e zemëruar me Drake, sepse ai kishte të gjitha shanset të krijonte një familje me këngëtaren, por në një moment ai prishi gjithçka.
Rihanna dhe Drake kanë kaluar nëpër një rrjedhë lidhjesh dhe ndarjesh nga viti 2012 deri në 2016-ën, kur të dy i dhanë fund marrëdhënies së tyre.
