Portieri i njohur i Kombëtares, Alban Hoxha do të mungojë në ndeshjen e radhës së Shqipërisë me Izraelin.
Lajmin e ka dhënë Federata Shqiptare e Futbollit, sipas të cilës portieri është dëmtuar dhe nuk mund të udhëtojë drejt Tel Avivit:
“Një tjetër zëvendësim i detyruar për shkak të problemeve fizike në radhët e ekipit kombëtar të futbollit. Portieri Alban Hoxha është dëmtuar dhe nuk mund të udhëtojë sot me skuadrën drejt Izraelit. Në këtë situatë, trajneri i ekipit kombëtar Christian Panuçi ka thërritur menjëherë t’i bashkangjitet skuadrës, portierin e ekipit kombëtar U-21, Elhan Kastrati i cili pritet për pak t’i bashkohet skuadrës për ndeshjen zyrtare në Izrael”.
Skuadra udhëtoi sot drejt Tel Avivit rreth orës 15:30. Në orën 19.45 (ora lokale) të ditës së sotme do të zhvillohet konferenca për shtyp e trajnerit të skuadrës me kapitenin e ekipit.
