Jam një grua në karrierë dhe lumturisht e martuar prej tetë vitesh. Bashkëshorti im është një burrë vërtetë i mirë dhe nuk jam një grua xheloze, seriozisht. Por ai mund të eksitohet vetëm kur mendon për femra të tjera dhe mund të kalojë në orgazmë vetëm nëse thotë emrin e saj me zë të lartë. I kam thënë shpesh që kjo gjë më bezdis, por nuk ka asnjë ndryshim. Por më e keqja është se femrat për të cilat fantazon janë ndonjëherë njerëz që i njoh mirë. Kjo është sa qesharake dhe shumë shqetësuese për mua. Të lutem më ndihmo!
Përshëndetje e dashur lexuese!
Faleminderit që na ke shkruar për një çështje kaq delikate dhe intime. Së pari, duhet kuptuar se fantazitë seksuale janë mëse të zakonshme te burrat dhe te gratë. Kërkime në fushën e seksualitetit kanë treguar ose 98 për qind e burrave dhe 80 për qind e grave fantazojnë sikur bëjnë seks me dikë tjetër, që nuk është partneri i tyre. Kjo nuk e dëmton marrëdhënien, pasi ndryshe fantazia dhe ndryshe realiteti.
Së dyti, duhet të kuptoni se gjëja më e rëndësishme për ta adresuar këtë vështirësi që ju ndieni, është komunikimi me bashkëshortin. Në përgjithësi, komunikimi i mendimeve dhe ndjenjave për të kuptuar më shumë rreth fantazive ndihmon. Mirëpo, mund të ketë dhe rreziqe të tjera, nëse ju përfshini detaje nga fantazitë tuaja. Një nga tiparet e fantazive seksuale është se zakonisht ato përfshijnë njerëz të njohur. Ky është dhe rasti i partnerit tuaj.
Flisni hapur me njëri-tjetrin për të kuptuar çfarë dhe si mundeni ta ndihmoni njëri-tjetrin për të forcuar marrëdhënien. Fantazitë, nëse adresohen në mënyrën e duhur, mund ta përmirësojnë jetën tuaj seksuale.
Eksploroni dhe luani me njëri-tjetrin rolet që ju pëlqejnë në shtrat dhe përcaktoni “rregullat e lojës”. Nëse do të jetë nevoja, mund të konsultoheni me një terapist çifti.
Fundjavë të mbarë!
*Lediona Braho, psikologe klinike
Për Iconstyle.al
