Për të gjithë ju që nuk e dini, moderatori i njohur i emisionit “Zonë e lirë”, Arian Çani, ka punuar si kryeredaktor i një gazete në vitin 1998.
I ftuar sot për një intervistë me “KafeIn”, ai ka treguar një episod të frikshëm kur është kërcënuar nga dy persona për një artikull të publikuar. Ngjarja ka ndodhur fill pas vrasjes së Azem Hajdarit dhe Çani tregoi se sot ata persona janë zyrtarë.
“Nuk kam pasur asnjëherë kërcënim nga persona, por kujtoj një rast në vitin 1998 kur unë punoja si kryeredaktor i një gazete. Dy njerëz të njohur me morën në telefon për një shkrim që ishte botuar, pra nuk kishin asgjë personale me mua. Ishte një kohë kur në Tirana ishte jashtë kontrollit dhe kishte dy ose tre ditë që ishte vrarë Azem Hajdari, pra ishte gjendje e jashtëzakonshme. Nuk i përmend dot me emra por dy personat më kërcënuan dhe më thonin që të mos e vazhdoja më shkrimin në gazetë.
Moderatori u shpreh se nuk shquhet për grushte, ndaj e pa të nevojshme që të thërriste disa të afërm, në mënyrë që të mbrohej.
“Madje më erdhën edhe në redaksi, unë thirra ca njerëz të tjerë paralel që të mbrohesha, pasi unë nuk shquhem për grushte dhe u neutralizua kjo histori. Këta dy njerëz janë shumë zyrtarë sot”, rrëfeu moderatori i “Zonë e Lirë”.
/NewsBomb
