Florjan Binaj, aktori i njohur i “Portokallisë” feston sot ditëlindjen. Ai e ka pritur orën 00:00 nën shoqërinë e miqve dhe kolegëve të “Top Albania Radio” në një klub duke pirë e duke u argëtuar me njëri – tjetrin.
Nga postimet në Instagram Flori duket mjaft i emocionuar në festimin e 33 – vjetorit të lindjes. Mesa duket festimet kanë vazhduar deri në orët e para të mëngjesit dhe ai ka fikur edhe qirinjtë e tortës mes buzëqeshjeve e emocioneve.
Ndërkohë veç urimeve të miqve të shumtë janë edhe urimet e ndjekësve për aktorin e dashur shqiptar.
Kohët e fundit Flori është angazhuar edhe si pjesë e stafit të emisionit “Shiko kush luan” veçse vazhdon të ketë rolet e tij në “Portokalli”.