Nëse kaloni sot dhe nesër në sheshin “Nënë Tereza”, me siguri që do t’ju lëshojë goja lëng.
Kjo pasi këto dy ditë do të mbahet panairi me produktet vendase të fermerëve shqiptarë.
Ky panair synon promovimin e prodhimit vendas dhe mbahet për herë të dytë në vendin tonë.
Kryeministri Edi Rama ka njoftuar sot në mëngjes se ka nisur panairi “Shqipëria Punon Tokën”, ku mund të provohen produktet më të mira nga 800 fermerë e sipërmarrës nga i gjithë vendi:
“Mirmëngjes dhe me këtë ftesë për të mos humbur edicionin e dytë të Panairit “Shqipëria Punon Tokën”, sot dhe nesër në sheshin Nënë Tereza, ku mund të shihen e shijohen produktet më të mira shqiptare të rreth 800 fermerëve e sipërmarrësve nga i tërë vendi, ju uroj një ditë të mbarë”.
