Një turist kroat që kishte humbur portofolin gjatë pushimeve në Sarandë, u habit kur i mbërriti një mesazh nga një emër i panjohur.
Vlatko Horvat tregoi përmes një postimi në Facebook se një djalë nga Saranda e kishte gjetur portofolin dhe e kishte kontaktuar menjëherë.
Ja çfarë shkruan shtetasi kroat në Facebook:
“Çfarë ndodh kur humbni portofolin në Shqipëri?
Isha në Sarandë me një shok dhe e lashë Shqipërinë për t’u nisur drejt Zakynthos, Greqi.
Pas 5 orësh që isha nisur më vjen një mesazh: “E di që kaluat mirë në Sarandë, por nuk ishte nevoja të lije një bakshish kaq të madh.”
Nuk e kisha kuptuar ende që kisha harruar portofolin tim atje dhe djali që e gjeti më kontaktoi direkt dhe ma solli atë në Kroaci.
Fillimisht mendova me vete që nuk ka asnjë shans që të mbërrijë, por sot sapo ma solli postieri. Brenda janë të gjitha paratë dhe dokumentet.
Albano Koka faleminderit shumë! Dhe po, Shqipëria është e bukur…dhe shqiptarët janë njerëz ekstra”.
