Emisioni “Open” në “Top Channel” ka zbuluar sesi Ervin Martinaj u transportua në spital i plagosur, mbrëmjen e 4 tetorit. Në dëshminë e dhënë nga pronari i lokalit Redi Popesku, ai ka treguar se gjatë sherrit me armë, u fsheh poshtë banakut të lokalit. Dhe kur të shtënat përfunduan, Ervin Martinaj ka shkuar pranë tij dhe i kërkoi ndihmë sepse ishte i plagosur.
Martinaj kërkoi nga Popesku që ta transportone në spital dhe pronari i lokalit, e ka shoqëruar deri tek taksitë.
Një detaj nga dosja hetimore është edhe dëshmia e një taksisti, i cili kishte parkuar përpara lokalit. Ai ka treguar se një person i ka kërkuar të shkojnë në ambjentet e spitalit të traumës rreth orës 23.00. Madje, taksisti shpjegon se nuk ka folur asnjë fjalë me klientin gjatë gjithë rrugës dhe se ai u largua pa paguar.
Ndër të tjera, taksisti është shprehur se ka parë më pas sedilen e pasme të makinës, që ishte mbytur nga gjaku.
Disa minuta më pas, spitali ku shkoi vetë Ervis Martinaj u blindua nga forcat speciale.
