Në studion e emisionit “Opinion”, gazetarja e kronikës së zezë Dorjana Bezat është shprehur se Elvana Gjata është larguar nga lokali ku ndodhi përleshja me armë në zonën e ish-Bllokut, rreth orës 18:00.
“Ervin Mata ka shkuar fillimisht në orën 18:00 në këtë lokal, nën shoqërinë e të dashurës së tij, këngëtares Elvana Gjata. Ajo ka qëndruar vetëm disa minuta në lokal dhe është larguar.” – tregon gazetarja e “News24”.
Ndërkohë që përleshja me armë, ku humbi jetën edhe një person ka ndodhur rreth orës 21:30.
Edhe gazetari Blendi Fevziu konfirmon se Elvana nuk ka qënë në lokal rreth kohës kur ndodhi ngjarja, pasi sipas burimeve të tij, këngëtarja shqiptare ka qenë në avion.
Sipas burimeve të gazetarit, Elvana Gjata është larguar për një koncert drejt Gjermanisë. Të njëjtat burime tregojnë se ajo ende nuk e ka dhënë dëshminë për policinë dhe ndoshta do të duhet t’i meret deklarata kur të kthehet.
