Pak kohë më parë, u zbulua se tekshkruesi/këngëtari Ed Sheeran ka lënë pas Adele, si muzikanti më i paguar në botë. Dhe tanimë është zbuluar shifra marramendëse që ai fiton në një ditë! “Dailymail” raporton se sipas llogarive, Ed Sheeran fiton 75 mijë paund në ditë dhe se vitin e kaluar ka fituar 27 milionë paund.
Gjatë fundjavës, Ed Sheraan zbuloi të dhënat e tij financiare dhe tregoi se se kishte një qarkullim vjetor prej 36 milionë paund dhe fitim bruto 27 milionë paund. Që do të thotë se këngëtari i hitit “Shape of You” fiton £75,005 në një ditë dhe £3,125 në një orë.
Në moshën 16 vjeçare, ai vendosi ta linte shkollën dhe të vazhdonte ëndrrën e tij për të depërtuar në industrinë muzikore.Rruga që ai shpresonte për të korrur famë, nuk rezultoi aq e lehtë dhe përfundoi i pastrehë, shpesh i pangrënë dhe duke fjetur nëpër rrugë, apo nëpër trena. Kjo gjë zgjati për tri vite, në të cilat ai nuk kishte as një vend kur të jetonte.
Ed Sheeran shpenzoi ditë e netë të tëra duke kënduar në grupe të vogla, shpesh i paushqyer. Për habinë e tij, disa nga këngët e tij u bënë tepër të dëgjuara në iTunes, njëra nga të cilat arriti dhe vendin e dytë në klasifikimin e këngëve më të dëgjuara në iTunes. Suksesi i tij erdhi aq shpejt, saqë në fund të vitit, albumi që Ed kishte publikuar në iTunes u shit me mbi 801.000 kopje, duke kaluar në vendin e tetë si albumi më i shitur i atij viti.
