Mëngjesin e së shtunës, erdhi në jetë fëmija i parë i Kryetarit të Bashkisë së Tiranës, Erion Veliaj me bashkëshorten Ajola Xoxa. Për 224 mijë ndjekësit e tij në profilin e tij në “Instagram”, Veliaj prezantoi vogëlushin, të cilin kanë vendosur ta pagëzojnë me një emër ilir. Ai quhet Kajan dhe siç thotë edhe i ati, është tironsi më i ri në qytet.
Me foton ku shfaqen duart e formuara në formën e zemrës të çiftit dhe këmbët e vogëlushit në mes, ai falenderonte të gjithë ata që e uruan.
Ndërsa në foton e dytë, Kreu i Bashkisë shfaqet duke mbajtur në krahë djalin e tij, teksa e sheh gjithë adhurim.
Siç duket edhe nga foto, Veliaj është veshur me veshjet e përshtatshme për të qënë në sallën e lindjes dhe me siguri i ka qëndruar pranë Ajolës, gjatë ardhjes në jetë të vogëlushit.
Mirë se erdhe në Tiranë, Kajan Veliaj.
