Eni Çobani ishte e ftuar ditën e sotme në emisionin “Rudina”, ku përveç rrëfimit për jetën e saj, njoftoi se të gjitha gratë që nuk kanë mundësi ekonomike dhe duan të divorcohen, ajo do t’u gjendet pranë.
Avokatja e njohur nuk i shpëtoi dot edhe pyetjeve të publikut, të cilët donin të dinin më shumë për të. Dhe ndër pyetjet më interesante, ishte edhe nëse ajo që lufton për mbrojtjen e ligjit, e ka shkelur ndonjëherë atë.
“Po e pranoj publikisht, i vetmi rast kur e shkel ligjin është shpejtësia me makinë sepse duhet të ndjek seancat nëpër rrethe” – tha Eni, duke qeshur.
Madje, tregoi se policët e kritikojnë gjithmonë.
“Po, ju lutem, zonja Eni, ecni më ngadalë” – u shpreh ndërmjetësja e “Shihemi në Gjyq”.
“Po jam një paguese e rregullt e gjobave në këtë drejtim”, – tregoi duke qeshur Eni Çobani, duke u shfajësuar.
