Xhisiela Maloku së bashku me familjen e saj, janë marrë në mbrojtje nga policia, pas sulmit me eksploziv që ndodhi mbrëmjen e së dielës në banesën e gjyshit të saj, Ramazan Muçës.
“Ballkanweb.al” raporton se policia e Krujës, ka ndërmarrë një plan masash për sigurinë e vajzës dhe familjes së saj. Edhe, Xhisiela Maloku deklaroi më herët se donte mbështetjen e Policisë për ta mbrojtur nga opozita.
“Isha në shtëpi kur u hodh eksplozivi. U tremba, po tani nuk do trembem se gjithcka bëhet që unë të kërkoj azil e të akuzoj njerëz të ndershëm por jo unë nuk do largohem. Tani jam e rrezikuar nga opozita”, tha 25-vjeçarja.
Fatmirësisht nga shpërthimi nuk ka të lënduar dhe as dëme materiale.
