Scott Wilson, i cili njihet me emrin Hershel Greene në serialin e AMC, “The Walking Dead”, ka vdekur në moshën 76-vjeçare në Los Anxhelos, pas disa komplikimeve nga leuçemia.
Aktori i lindur në Gjeorgji bëri debutimin e tij të parë në filmin e vitit 1967 të Norman Jewison në “The Heat Of The Night”, duke luajtur rolin e një burri të dyshuar për vrasje.
Shkaku i vdekjes u zbulua nga zëdhënësi i tij Dominic Mancini, i cili raportoi lajmin këtë të shtunë, duke thënë se aktori vdiq në mënyrë paqësore në shtëpi.
“Scott do të mbahet mend gjithmonë si një aktor i madh dhe ne të gjithë ndjehemi me fat që e kemi njohur atë si një person edhe më të mirë. Karakteri i tij i mishëruar në ‘The Walking Dead’, Hershel, jetoi në thelbin emocional të serialit”, tha ai për “US Weekly”.
Ndër vite Scott ka dhënë kontrubutin e tij në më shumë se 50 filma, përfshi këtu, “The Last Samurai”, “Pearl Harbor” dhe “Dead Man Walking”.
