Gjykata Penale e Tiranës ka vendosur masën arrest me burg për 30 ditë për dy të plagosurit Ervis Martinaj dhe shokun e tij Eljon Hate, pas përplasjes me armë në një lokal në ish-Bllok mbrëmjen e se enjtes, ku mbeti i vrarë Fabian Gaxha.
“BalkanWeb”shkruan se seanca u zhvillua këtë të diel në një spital privat dhe te Trauma në kryeqytet, aty ky ndodhen të shtruar dy të plagosurit.
Në lidhje me ngjarjen dy ditë më parë u arrestua në Kakavijë edhe Galdo Hoti, pasi dyshohet se është njëri nga personat që ka qëlluar me armë zjarri në lokal. Ai ishte pjesë e tavolinës së tre personave që ndodhen në kërkim.
Ndërkohë, i dashuri i këngëtares Elvana Gjata, e cila dyshohet të jetë motivi i përplasjes me armë, është ende në kërkim.
Dyshohet se ‘mollë sherri’ për konfliktin mes 7 personave ka qenë ngacmimi i këngëtares Elvana Gjata, i dashuri i së cilës ka kërkuar sqarim me grupin e Martinajt, sqarim që përfundoi në mënyrë tragjike.
I arrestuar në Kakavijë në tentativë për t’u larguar:
-Galdo Hoti
Të plagosur dhe në masë arresti:
– Ervis Martinaj, 36 vjeç, banues në Tiranë
– Eljon Hate, 28 vjeç, banues në Shkodër
Në kërkim:
– Ervin Mata, 31 vjeç, banues në Tiranë ( I dashuri i Elvana Gjatës)
– Fabio Allushi, 42 vjeç, banues në Tiranë;
– Mevjol Bilo, 41 vjeç, banues në Tiranë; (Komando dhe truprojë i Elvana Gjatës, autor i dyshuar i vrasjes së Fabian Gaxhës)
