Masakra e ndodhur mbrëmjen e së enjtes në një nga lokalet në zonën e ish-Bllokut, tronditi mbarë opinionin publik, ndërsa hetimet për zbardhjen e saj të plot vazhdojnë. Mbrëmjen e së premtes në pikën doganore të Kakavijës policia arriti të arrestonte pjesëtari e katërt të grupit të Ervin Matës.
Sipas njoftimit të policisë, personi i ndaluar është Geldo Shpëtim Hoti, 37 vjeç. Forcat speciale u nisën nga Tirana drejt Kakavijës për të marrë 37-vjeçarin.
Hoti ishte i pranishëm në vendngjarje në momentin e përplasjes dhe sipas policisë dyshohet të ketë qëlluar me armë zjarri gjatë konfliktit, ku mbeti i vrarë një person dhe u plagosën dy të tjerë. Ai është ndaluar rreth orës 20:00 të mbrëmjes së djeshme, pasi kur u pyet nga policët e Doganës për arsyen e kalimit jashtë vendit nuk kishte dhënë përgjigje.
Duke qenë se nuk kishte reaguar ai u shoqërua në ambientet e brendshme të Doganës, ku në bazë të sistemit ‘TIMS’, rezultoi se ishte në kërkim për vrasjen në ish-Bllok. 37-vjeçari Geldo Hoti nuk kishte bërë rezistencë në momentin e ndalimit.
Kujtojmë se nga atentati i dy ditëve më parë, mbeti i vrarë mbeti Fabiol Gaxha, 28 vjeç, ndërsa u plagosën Ervis Martinaj, 36 vjeç dhe Eljon Hato, 28 vjeç.
E përfshirë në këtë ngjarje është edhe këngëtarja Elvana Gjata, e cila dyshohet se është “molla e sherrit” mes dy grupeve.
