Mbrëmjen e djeshme u shfaq premiera e filmit aksion-thriller “The Brave”, që vjen si një udhëtim mes botës së narkotrafikut dhe krimit në Lazarat.
Në film, një rol të rëndësishëm ka edhe aktori Besart Kallaku, i cili u shfaq në tapetin e kuq të premierës së bashku me bashkëshorten e tij Xhensila Myrtezaj. Të buzëqeshur përpara aparatit, Xhensila pozonte e veshur me një kostum serioz, me pantallona dhe xhaketë të zezë, që e kishte kombinuar me një çantë Channel.
Ndërkohë që Besi, me dorën në xhaketë, kishte preferuar një veshje pa kravatë dhe kostum dhe u shfaq në tapetin e kuq me këmishën të bardhë.
Nën regjinë e William Kaufman, te “The Brave” përfshihen në role edhe aktorët Arman Assante, Louis Mandylor, Gosha Kutsenko, Ervin Bejleri, Salsano Rrapi etj..
Gjatë muajit tetor, filmi do të shfaqet edhe në kinematë e Rusisë, Europës Perëndimore dhe Italisë.
Bashkëpunimi mes produksionit të “A3 Amigos” dhe “Mercury Film Production” sjell në Shqipëri eksperiencën filmike të Kaufman, i njohur për punën e tij në krijimin e filmave aksion në studiot më të mëdha të “Hollywood”-it, apo edhe për tituj si “The Hit List” apo “Sinner and Saints”.
