Katy Perry mund të ecë sërish drejt altarit, tashmë jo më në videoklip, por në jetën reale. I dashuri i këngëtares, 41-vjeçari Orlando Bloom duket se ka vendosur që dashuria e tyre të zgjasë, sipas “People”.
“Orlando nuk ka ende një unazë, por ka nisur të flasë për të ardhmen e tyre. Të gjithë do të lumturoheshin nëse do të fejoheshin. Katy është e mrekullueshme”, tha një burim.
Dhe ai mendon se këngëtarja 33-vjeçare do të jetë një bashkëshorte perfekte.
“Ai thotë gjithmonë që do të martohet sërish dhe Katy duket se mund të jetë bashkëshortja e tij. Të dy bashkë duken shumë të lumtur”, tha një mik i aktorit.
Katy dhe Orlando u lidhën fillimisht në janar të 2016-s, kur qëndruan bashkë për rreth një vit, derisa u ndanë në shkurt të 2017-s, për t’u rilidhur në prill të këtij viti.
Pavarësisht se ka qenë një vit me shumë angazhime, këngëtarja ka mundur t’i kushtojë kohë partnerit të saj.
“Ishte një vit i mrekullueshëm për marrëdhënien e tyre. Duket sikur duhet të ndaheshin për t’u kthyer sërish bashkë, që të arrinin në këtë konkluzion”, shprehet një tjetër burim.
Burimi: Daily Mail
