Lele Mora është ndër personazhet më të njohura në showbiz-in Italian dhe njihet si menaxher i shumë yjeve si Fabrizzio Corona, Belen Rodriguez, Simona Ventura etj. Nga ana tjetër, Mora është edhe organizator dhe producent i shumë eventeve ndërkombëtare.
Opinionisti shqiptar Olti Curri zbuloi ditën e sotme se Lele Mora ndodhet në kryeqytetin shqiptar. Madje, ata kanë konsumuar edhe një drekë në prani edhe të shumë personazheve të njohur shqiptar si Dalina Buza, e Joni Peçi.
Sipas “Blitz.al”, Lele Mora ndodhet në Shqipëri, pasi do të përfshihet në spektaklin më të ri të “Top Channel”. Mësohet se ai do të jetë në krye të stafit drejtues të spektaklit “Big Brother Albania VIP”.
