Mjaftoi vetëm një komendi romantike që aktori 22-vjeçar Noah Centineo, të kthehet në idhullin e adoleshenteve në Shtetet e Bashkuara të Amerikës.
Epo çfarë duhet më shumë? Roli i tij si Peter Kavinsky në filmin e NETFLIX “To All the Boys I’ve Loved Before”, ishte ai që i dha famën të riut dhe i bëri femrat të shpresojnë në faktin që nuk tërheqin vetëm “djemtë e këqinj” por edhe djemtë e mirë.
Noah Centineo është një aktor 22-vjeçar amerikan i lindur më 9 maj, 1996. Ai është me origjinë nga Florida por u zhvendos në Los Angeles në moshën 16-vjeçare për të ndjekur karrierën e aktrimit.
View this post on Instagram
melancholic observation has just added itself to my list of hobbies. (This is my sad ? face)
Aktori brun simpatik 1,82 m i gjatë, ka luajtur në disa filma të Disney-t, si ‘Austin & Ally’, ‘Shake It Up’, dhe ‘Jessie’. Ai ka pasur dhe një rol si Jaden Stark në filmin ‘How To Build A Better Boy’.
Por roli i tij më i bujshëm është ai i filmit të verës 2018, “To All the Boys I’ve Loved Before”. Filmi ka në qendër një vajzë që quhet Lana Condor (Lara Jean Song Covey) që ka shkruar letra dashurie për të gjithë meshkujt e saj fiksim, por jo me qëllimin për t’ua dërguar atyre. Për fat të keq, letrat arrijnë në duart e këtyre djemve, dhe një prej tyre është edhe Peter Kavinsky, i cili është i lidhur me ish-shoqen e Lana-s.
Noah luan edhe në një film të dytë në NETFLIX, “Sierra Burgess Is A Loser”, ku dashurohet me Sierra-n. Atë e kemi parë edhe në klipin e Camila Cabello-s ‘Havana’, ku sërish shfaqet me një rol romantik dhe kërcen me këngëtaren në fund të klipit.
Ehhh gjithnjë i mirë ky Noah, aq sa në SHBA ka fituar nofkën si i dashuri perfekt. Për të gjitha të interesuarat, Noah është beqar, i përket shenjës së Demit, me të gjitha karakteristikat e tij si, punëtor, romantik dhe kokëfortë.
Ai madje u jep edhe këshilla fanseve, si atëherë kur dikush e pyeti në Twitter: Si ta kaloj dhimbjen nga ndarja?
“Fokusohu te vetja. Nëse do dikë, dmth e do me të vërtetë, kjo nuk mendoj se do të largohet ndonjëherë. Por ajo që ndryshon është perspektiva që ke ti për lidhjen dhe dinamikat e saj”.
Duket sikur flet nga eksperienca personale kur thotë se duhet të fokusohesh në gjërat që të bëjnë ty të lumtur:
“Zbulo veten, bëj gjërat që të pëlqejnë, ndihu i fuqishëm dhe i inspiruar, palestra, ngjitja në mal, meditimi, yoga, dhe shoqëria. Me kalimin e kohës do të zgjohesh një ditë dhe thyerja e zemrës nuk do të duket aq e keqe.
Tani e kuptuat përse të gjithë e duan Noah Centineo-n? Uuu prisni, është edhe kjo foto nga palestra…
