Juristja e famshme shqiptare Eni Çobani, e njohur për rubrikën e saj “Shihemi në gjyq” tek spektakli e “E diela shqiptare” është shoqëruar për në polici.
Sipas “Report Tv” juristja është marrë nga policia e Gjirokastrës ndërkohë që ishte në një seancë gjyqësore në Gjykatën e Gjirokastrës. Ajo është denoncuar nga Rudina Islamaj, e cila pretendon se është kërcënuar nga Eni Çobani, pasi kjo e fundit ka debatuar me të në gjyq.
Denoncuesja është pala kundërshtare me juristen, pasi është nusja e klientes së Çobanit dhe ka kërkuar që të zbardhen të gjitha audio-regjistrimet ku pretendon se është kërcënuar.
