Dashi
Kjo do të jetë një javë e vështirë për të lindurit në shenjën e Dashit, për shkak se Mërkuri do të kthehet në pozicion të pafavorshëm, duke ju krijuar probleme në komunikimin me të tjerët si në familje edhe në ambientet e punës. Të martën dhe të mërkurën do të hasni disa pengesa, ndërsa e enjtja dhe e premtja do të jenë ditë më të qeta. Në fundjavë përkushtojuni të dashurve tuaj dhe mos u shqetësoni për asgjë!
Demi
Venusi është pozicionuar në një shenjë tjetër dhe kjo vetëm sa ju krijon vështirësi në marrëdhënien tuaj në çift. Do ta keni të vështirë të gjeni gjuhën e përbashkët me partnerin, por s’keni nga t’ia mbani, sepse duhen dy vetë për t’u dhënë zgjidhje gjërave. Ditët më të përshtatshme për të sqaruar çështjet e mbetura pezull do të jenë e marta, e mërkura, e shtuna dhe e diela. Këshillohet që të enjten dhe të premten t’i shmangni bisedat serioze.
Binjakët
Java do të fillojë mbarë me Hënën në shenjën tuaj. Pritet të merrni lajme të mira dhe do t’ju ofrohen mundësi që duhen kapur fluturimthi. Në aspektin profesional gjërat shkojnë më së miri dhe do t’ju njihen meritat. E enjtja dhe e premtja do të jenë ditë me fat. Përpiquni që t’u shmangeni debateve të shtunën dhe të dielën.
Gaforrja
Gjërat do të shkojnë mjaft mirë këtë javë në aspektin sentimental, sepse Venusi i kthyer nga shenja juaj do t’ju dhurojë emocione të reja. Situata nuk do të jetë po kaq e mirë në aspektin profesional. Mund të krijohet ndonjë pengesë si pasojë e pozicionimit të Mërkurit. Lërini punët e rëndësishme për të martën dhe të mërkurën. Në fundjavë do të përjetoni ndjenja të fuqishme.
Luani
Gjatë kësaj jave do të merrni kënaqësi të mëdha në aspektin profesional. Mërkuri do ta favorizojë shenjën tuaj dhe suksesi do të jetë i garantuar. E enjtja dhe e premtja do të jenë ditë me shumë fat. Për fat të keq, do të keni vështirësi në çështjet e zemrës. Venusi ju krijon pengesa dhe nuk do të mungojnë debatet. Përpiquni të shmangni konfliktet dhe të dëgjoni edhe mendimin e partnerit.
Virgjëresha
Ditën e hënë do të ndiheni mjaft nervozë, pasi Hënën nuk do ta keni aleate. Do të ndiheni në humor të keq, por situata do të përmirësohet të martën dhe të mërkurën. Gjatë atyre ditëve mund të merrni edhe ndonjë lajm të mirë. E shtuna dhe e diela do të jenë ditë me shumë fat. Do të merrni kënaqësi të mëdha shpirtërore për shkak se Venusi është kthyer nga shenja juaj.
Peshorja
Mërkuri në shenjë do t’ju ndihmojë të arrini synimet më të rëndësishme. Mos humbisni kohë dhe përqendrohuni që të realizoni objektivat. Mund të merrni lajme shumë të mira diku nga fillimi apo nga mesi i javës, sepse Hëna do të jetë kthyer pikërisht nga shenja juaj. Mund të ndieni ndonjë pakënaqësi në aspektin sentimental, por mos u dorëzoni. Përpiquni që bashkë me partnerin të gjeni një mënyrë për të ndryshuar rutinën.
Akrepi
Ky është momenti i përshtatshëm që të hidhni hapin e radhës në marrëdhënien tuaj, gjithmonë nëse keni dëshirë. Do të keni mbështetjen e Venusit dhe lidhja juaj në çift do të bëhet më e fortë. Do të kaloni një fundjavë romantike të mbushur me pasion. Për fat, edhe Hënën do ta keni aleate. Diku nga e enjtja dhe e premtja mund të përjetoni njëfarë nervozizmi.
Shigjetari
Java nuk do të fillojë në mënyrën më të mirë të mundshme, sepse Hëna do të ndriçojë tjetërkund. Mos u dëshpëroni, gjërat vetëm sa do të ngadalësohen paksa, por, duke filluar që nga e marta, situata do të jetë më e favorshme. Ditët më me fat të javës, gjatë të cilave mund të merrni ndonjë lajm të mirë, do të jenë e enjtja dhe e premtja. Shmangini debateve me partnerin, sepse situata mund të marrë për keq!
Bricjapi
Duket se lidhja juaj ecën për mrekulli. Do të keni mbështetjen e partnerit për çdo problem që mund t’ju dalë. E marta dhe e mërkura nuk do të jenë ditë dhe aq të mbara, për shkak se Hëna nuk është kthyer nga shenja juaj. Mund të hasni vështirësi në aspektin profesional dhe në marrëdhënien me kolegët, ndërsa pozicionimi i Mërkurit nuk jua lehtëson aspak gjendjen.
Ujori
Këtë javë do të keni probleme në çift dhe marrëdhënia juaj do të acarohet së tepërmi, edhe për faktin se nuk do ta keni mbështetjen e Venusit dhe as të Hënës. Përpiquni të kuptoni çfarë ndieni dhe flisni hapur. Për fat të mirë, gjithçka duket se shkon për mrekulli në aspektin profesional. Do të merrni kënaqësi të mëdha dhe duke filluar që nga dita e hënë kapeni fluturimthi çdo mundësi që do t’ju ofrohet!
Peshqit
Për njerëzit sentimentalë si puna juaj, gjërat s’kanë si të shkojnë më mirë. Venusi në pozicion të favorshëm do t’ju dhurojë kënaqësi në lidhjen tuaj. Për ata që janë beqarë parashikohen të kenë takime interesante. Ditët më me fat të javës do të jenë e marta dhe e mërkura. Të shtunën dhe të dielën mund të ndiheni disi në humor të keq për shkak të vendosjes së Hënës.
