E ftuar sot në “Prive” pas 2 vitesh larg intervistave, Tuan foli për herë të parë në emision për shtatzëninë, djalin e saj Tian, Patrisin e shumë të tjera.
Tuna tregoi sesi 9 muaj kishin ndikuar shumë tek ajo dhe karakteri i saj dhe gjatë këtyre muajve ishte munduar të jetonte një jetë pa stres dhe pa ngarkesë për hir të fëmijës:
“Gjatë shtatzënisë nuk doja ta sforcoja veten sepse isha në pushim mjekësor, çfarëdo që mund ta quaj, nuk e sforcova veten sepse thjesht doja të shijoja çdo sekondë. Ndoshta krejt atë adrenalinë, atë stil stresues jete që e kam pasur, veçanërisht vitet e fundit, atë ngarkesë të madhe të karrierës, kam dashur të ulem e të them se ky është momenti për t’u qetësuar.
Sepse mendoja që çdo emocion dhe ndjenjë gjatë atyre 9 muajve i përcillet fëmijës dhe kam dashur të lind një fëmijë pozitiv, të buzëqeshur. Shtatzënia ka ndikuar pak edhe në karakterin tim”, u shpreh Tuna dhe u përlot.
Më pas këngëtarja fshiu lotët, e mblodhi veten dhe dha një mesazh: “S’ka shaka me ndjenjat”.
