Xhisiela Maloku që denoncoi djalin e deputetit socialist Rrahman Rrahja se e ka pëdhunuar dhe ka ushtruar dhunë mbi të, rezulton të jetë dhunuar me mjete të forta dhe ka shenja të djegies me cigare.
Raporti i ekspertëve të Mjekësisë ligjore, siguruar nga “News 24”, mbështet pretendimet e 25-vjeçares për dhunim.
“Dërrmishtja në shpatullën e djathtë dhe ekimozat në pulpën dhe kërcirin e majtë, janë shkaktuar me mjet mbretës. Dërrmishjet e vërejtura në kofshën e djathtë, janë shkaktuar nga veprimi i faktorëve termikë, siç mund të jetë edhe cigarja”- thuhet në raportin mjeko-ligjor.
Dëmtimet e konstatuara në trupin e 25-vjeçares, sipas ekspertëve të mjekësisë ligjore, hyjnë në kategorinë e dëmtimeve të cilat sjellin si pasojë humbjen e aftësisë së përkohshme për punë në masën prej 9 ditësh.
Ekspertiza mjekoligjore i është vënë në dispizicon prokurorisë së Krujës, pasditen e 27 shtatorit 2018.
Xhisiela Maloku me 21 korrik të këtij viti denoncoi për dhunë ish të dashurin e saj Rexhep Rraja, djalin e deputetit të Partisë Socialiste Rrahman Rraja. Vajza e tërhoqi denoncimin dhe sipas ish-nënkomisarit Emiljano Nuho, për shkak të presioneve. Klikoni këtu për më shumë detaje nga ngjarja:
