Një ngjarje e rëndë u shënua ditën e djeshme në Durrës në lagjen Nr.16, ku një e moshuar 81-vjeçare u gjet e vdekur në banesë.
Ndërsa fillimisht dyshohej se Floresha Shkurti humbi jetën nga shkaqe natyrore, policia zbuloi më pas se bëhej fjalë për një vrasje dhe autori është nipi i saj 21-vjeçar, Redmon Gruda.
Policia arrestoi këtë të fundit, i cili jetonte bashkë me të në një shtëpi. I riu dyshohet se mesditën e së enjtes ka goditur disa herë me thikë në kokë gjyshen e tij, ndërsa 81-vjeçarja nuk ka mundur t’u mbijetonte plagëve të marra, duke gjetur vdekjen e menjëhershme.
Në raportin e policisë shkruhet se ngjarja ndodhi për motive të dobëta, ndërsa 21-vjeçari Redmon Gruda do të gjykohet për veprën penale të “vrasjes për shkak të marrëdhënieve familjare”.
