Nëse ju kujtohet Kendall Jenner para 1muaji bëri një deklaratë shumë të fortë ku ofendoi të gjitha modelet, ndërkohë që tregonte se kishte qënë gjithmonë selektive në lidhje me sfilatat që zgjidhte të merrte pjesë.
Për revistën “Love” ajo tha: “Që nga fillimi ne kemi qenë super selektive. Nuk kam qënë kurrë njëra prej atyre vajzave që do të bënin 30 sfilata në sezon apo çfarëdo dreqin këto vajza bëjnë”.
Natyrisht, të gjithë u ofenduan shumë nga kjo deklaratë dhe Kendall përfundoi duke kërkuar falje publikisht. Gjithsesi duket se supermodelja Naomi Campbell nuk e ka pëlqyer aspak këtë fakt dhe është akoma e acaruar me Kendall.
Në një intervistë me Andy Cohen, Naomi u pyet për Kendall dhe faktin se është një nga modelet më të paguara pavarësisht gjithçkaje. Por e dini cila ishte përgjigja e saj? Një palë sy të ngulitur fort dhe dy fjalë të thjeshta: “Pyetja tjetër”.
Për fat të keq duket se Kendall ka humbur mbështetjen dhe admirimin e shumë personave me deklaratën e saj.
