Greta Koçi ka mbledhur në një festë intime disa nga kolegët dhe miqtë e saj më të mirë, për të festuar 27-vjetorin e lindjes. Dhe kur feston një artist, është e sigurtë që do të këndohen dhe kërcehen hitet më fundit!
Greta Koçi, ashtu si edhe motra e saj Eni Koçi, kanë ndarë në rrjetet sociale momente nga festa intime. Vihet re edhe prezenca e këngëtarit Genc Prelvukaj, i cili përflitet se është në një lidhje dashurie me Eni Koçin, edhe përse ata kanë zgjedhur të mos e komentojnë.
Ndërkohë surpriza e të ftuarve ishte një tortë për këngëtaren, mbi të cilën ishte shkruar: “Gëzuar ditëlindjen, mbretëresha e muzikës”.
Greta Koçi publikoi pesë ditë më parë, këngën e saj më të re me titull “Mos m’thirr” që numëron rreth 500 mijë klikime në Youtube.
