Edhe përse ka nisur një luftë ligjore me Brad Pitt, Angelina Jolie i është rikthyer punës dhe ka nisur xhirimet e filmit “Come Away”. 43-vjeçarja do të aktrojë përkrah David Oyelowo në një film që përfshin dy përrallat më të suksesshme si “Alice In Wonderland” dhe “Peter Pan”.
Veshja e Angelinës përfshinte një këmishë të bardhë dhe një fund të gjatë deri në fund të këmbëve në ngjyrë ulliri. Aktorja kishte refuzuar të lyente flokët, ndaj kishte përdorur një paruke bjonde dhe dukej një personazh perfekt i viteve 1900.
Pasi këto imazhe u bënë publike, fansat e aktores janë shqetësuar për gjendjen e aktores, e cila jo vetëm që shfaqet më e dobët se zakonisht, por edhe duket në humor jo fort të mirë.
