Tashmë të gjithë e dimë se moderatorja Marina Vjollca, ka luajtur rolin e vëllait në një familje me femra të bukura.
Pak kohë më parë, ishte vetë motra e saj Luana ajo që tregoi se kur Marina ishte e vogël i rrihte djemtë e lagjes.
“Marina kur ka qenë e vogël ka rrahur djem, po ta them edhe një herë këtë”, tha Luana e ftuar në emisionin “Xing me Ermalin”.
Dhe nëse ende nuk e besoni fjalën e saj, ja ku i keni provat. Mbesa e Marinës, Jori Paloka ka publikuar një foto nga fëmijëria.
Marina shihet teksa mundohet ta bëjë me çdo kusht për të qeshur Jorin, e cila duket se është duke qarë.
Ndryshe nga sa jemi mësuar ta shohim, Marina shfaqet me flokët brune dhe baluke ndërsa buzëqeshja nuk i ka ndryshuar akoma dhe sot.
Në një foto të dytë të publikuar nga mbesa, Marina duket më e rritur në fillimet e karrierës së saj dhe ashtu siç jemi mësuar ta shohim sot, bjonde tërheqëse.
