Një 60-vjeçar humbi jetën mëngjesin e kësaj të marte, pasi apartamenti i tij u përfshi nga flakët. Ngjarja ndodhi rreth orës 04:15 në rrugën “Ramazan Demneri” në Tiranë, në një apartament në katin e tretë.
I ndjeri Lulëzim Canaj jetonte vetëm dhe nuk kishte arritur që t’i shpëtonte dot flakëve të zjarrit.
Burime për “iconstyle.al” bëjnë me dije se, 60-vjeçari kishte probleme me alkoolin dhe nuk ishte invalid.
Pas nisjes së flakëve banorët nxituan që të dilnin nga banesat, ndërsa zjarrfikësit kanë bërë të mundur shuarjen e tyre vetëm rreth një orë më vonë.
Policia po heton për zbardhjen e shkaqeve të zjarrit, por paraprakisht dyshohet të ketë ndodhur nga shkaqe aksidentale.
