Eni Jani dhe Genci Fuga janë çifti i famshëm i aktorëve shqiptarë, që janë bërë pjesë e spektaklit “Dance With Me”. Ata rrëfyen gjatë spektaklit se mbrëmjen e sotme, festonin përvjetorin e 12-të të martesës dhe ishin shumë të lumtur ta ndanin këtë moment me teleshikuesit.
“Sot festojmë 12-vjetorin e martesës. Njeriu gjatë gjithë jetës përpiqet që të ketë gjëra të bukura dhe t’i kthejë në kujtime.”- tregoi Eni Jani.
Aktorja e komentoi pjesëmarrjen në “Dance with Me”, si një kujtim shumë të bukur dhe vajzat e tyre do e kujtojnë sa herë ta shohin.
“Ne të dy përpiqemi shumë që vajzave tona t’i lëmë kujtime të bukura që sa herë t’i sjellin ndërmend, t’u dhurojnë buzëqeshje. Ashtu është edhe pjesëmarrja në ‘Dance With me’. Stina dhe Ajri, mami dhe babi ju përqafojnë fort nga ekrani.” – përfundoi aktorja.
Në familjen e çiftit të aktorëve ekziston një traditë mes tyre që quhet “përqafim katërsh”, ku të katërt pjesëtarët mblidhen kudo ku janë në një përqafim të ëmbël.
