Një ngjarje e rëndë ka ndodhur sot në Lezhë, ku daja dhe nipi kanë ndërruar jetë pasi ranë në pus. Burime zyrtare nga policia thanë se shtetasi me inicialet M. GJ., dhe 21-vjeçari me inicialet M.N., ishin duke pastruar një pus uji kur ranë në fund të tij. Për pasojë ata humbën jetën.
“Ballkanweb” raporton se ata mund të kenë ndërruar jetë si pasojë e helmimit nga gazi.
Banorët e fshatit Torovicë të Lezhës, ku ndodhi edhe ngjarja e rëndë, tregojnë se zjarrfikësja dhe ambulanca kanë mbërritur një orë me vonesë në vendin e ngjarjes. Ata bënë të mundur vetëm nxjerrjen e trupave të pajetë nga pusi.
Grupi hetimor nën drejtimin e Prokurorisë pranë Gjykatës së Shkallës së Parë Lezhë, vazhdojnë hetimet në vendngjarje për sqarimin e plotë të rrethanave të ngjarjes.
Burimi: Ballkanweb
