Bugra Gulsoy, aktori i famshëm turk që u bë i njohur në Shqipëri falë telenovelës “Kuzey & Guney”, i ka dhënë fund beqarisë.
Ai është martuar mbrëmjen e së dielës me të dashurën e tij prej shumë vitesh, Nilufer Gurbuz.
Çifti i famshëm organizoi një ceremoni elegante me pjesëmarrjen e pak të afërmve, miqve të ngushtë dhe kolegëve në Stamboll.
Në dasmë nuk munguan aktorë dhe kolegë të shumtë të Gulsoy si Ozge Ozpirinçci, Burak Yamantürk, Berrak Tuzunataç, Birkan Sokullu, Dolunay Soysert, Serhat Teoman, Çağlar Çorumlu, Leyla Feray, Selin Şekerci, Tugay Mercan, Selen Ozturk, Eda Ece dhe Ali Yorenç.
Aktori 36-vjeçar Bugra Gulsoy kishte veshur një kostum të thjeshtë të zi dhe pa kollare. Nusja dukej akoma më e thjeshtë me një fustan pas trupit, që nuk kishte fryrjen e fustaneve tradicionale të nuseve.
