Pak ditë më parë “iconstyle.al” publikoi një artikull me këpucët e preferuara të nuseve shqiptare (lexo këtu).
Elita Rudi, Marina Vjollca dhe Jona Spahiu zgjodhën të shkonin drejt altarit me këpucët e markës së njohur “Jimmy Choo”.
Por pasi Sara Hoxha publikoi klipin e dasmës së saj, ajo që na tërhoqi vëmendjen ishte zgjedhja e veçantë për këpucët, që na duhet të themi se janë ëndrra e çdo femre.
“Iconstyle.al”zbuloi se këpucët e Sarës janë të markës “Manolo Blahnik”, modeli klasik Hangisi, në ngjyrë të bardhë, që kushtojnë mbi 900 dollarë
Këto këpucë prej sateni janë zgjedhja më elegante që mund të bënte Sara me fustanin e saj saten model zhapone në pjesën e bustit dhe me fryrjen klasike të një nuseje tradicionale.
Nëse kemi ndonjë fanse të “Sex and the City” këtu, me siguri ju kujtohen këpucët të së njëjtës markë që kishte veshur Carrie Bradshaw, në ditën e saj të dasmës, por në ngjyrën blu.
Sara dhe Ledioni i thanë “Po” njëri-tjetrit buzë liqenit të Como-s më 11 gusht dhe që nga ajo ditë, sa vjen edhe më shumë detaje po zbulojmë nga dasma që u mbajt larg syve të publikut.
