Britania e Madhe pritet të përballet me dimrin më të ftohtë në 10 vitet e fundit, pasi dimri do të jetë gati ekstrem. Meteorologët kanë paralajmëruar britanikët se mund të përballen me stuhi dëbore për gati 4 muaj. Ulja ekstreme e temperaturave mund të ndodhë që në fillim të Nëntorit, për shkak të sistemeve ekstreme të presionit të ulët.
“DailyMail”, sqaron se kur ajri nga Atlantiku të përplaset me atë nga Arktiku, do të shkaktojë kështu stuhi akulli nëpër të gjithë Britaninë e Madhe.
Gjithsesi, ekspertët tregojnë se moti ekzakt mund të parashikohet në mënyrë preçize jo më shumë se 30 ditë në avancë.
Gjatë kësaj vere, Britania e Madhe u përball me një valë të nxehti me temperatura rekord, njësoj si pjesa tjetër e Europës.
Burimi: Ballkanweb
