Policia Kufitare e Rinasit ka bllokuar fluturimin, pasi piloti i avionit kishte konsumuar pije alkoolike. Sipas policisë, shtetasi spanjoll me iniciale E. L., 47 vjeç është proceduar penalisht në gjendje të lirë.
Mësohet se në kohën që pasagjerët kanë qenë duke hipur në avion, kolegu i tij ka njoftuar Policinë Kufitare të Rinasit dhe kompaninë që kapiteni ka kosumuar alkool në masë të madhe.
Menjëherë ka ndërhyrë Policia Kufitare dhe ka bllokuar fluturimin, duke kthyer pasagjerët në tranzit.
Kompania ka marrë masat duke zëvendësuar kapitenin me një tjetër dhe për këtë shkak është shtyrë fluturimi për 5 orë më vonë.
Burimi: Top Channel
