Pas performancës në “Dance With Me” të hënën, Seldi Qalliu konfirmoi ndarjen nga Mimoza Shkodra.
Aq mjaftoi dhe lajmet vërshuan në mediat rozë dhe rrjetet sociale. Por kjo situatë nuk i ka pëlqyer aspak Seldit, i cili duket se është bezdisur paksa dhe ka shkruar në Instagram një deklaratë ku ironizon të gjithë ata që e kanë komentuar ndarjen e tyre të bujshme, pak muaj pas fejesës.
“Janë disa njerëz specifikë në këtë botë, që na duan aq shumë sa i harrojnë hallet e veta dhe merren me hallet tona. Faleminderit që ekzistoni se pa ju do ishim shumë të qetë dhe s’do kishim stres”, ka shkruar Seldi në këtë deklaratë.
Mimoza Shkodra dhe Selqi Qalliu, e zyrtarizuan lidhjen në fillim të këtij viti.
Këngëtarja e famshme shqiptare dhe i fejuari i saj, dukeshin tejet të dashuruar por para disa ditëve, fotografitë e tyre të përbashkëta u fshinë nga rrjetet sociale duke na bërë të mendojmë se diçka nuk shkonte.
Pas performancës në “Dance With Me”, ku Seldi konkurron bashkë me Rashel Kolanecin, këngëtari u pyet nëse ishte më bashkë apo jo me Mimozën.
“Jo nuk jemi më bashkë. Kështu paska qenë e shkruar. Gëzoj shumë respekt për Mimozën dhe familjen e saj”, u shpreh ai duke konfirmuar lajmet.
