Miku i ngushtë i njërës prej gazetareve më të njohura shqiptare, Adelajda Xhamani, e cila u nda nga jeta në mënyrë të papritur më 29 tetor të vitit 2017, e ndjen shumë mungesën e saj.
Eraldo Rexho ka kujtuar mikeshën e tij të ngushtë me një mesazh mjaft prekës, që gazetarja ia kishte dërguar kohë më parë. Ai premton se do ta ketë gjithnjë në zemrën e tij:
“O dritë e jetës sime dhe e shumë të tjerëve. Ja kështu, siç je vetë, një njeri i bukur, ashtu paç çdo ditë e natë të këtij viti. S’di si të ta them me fjalë sa shumë të dua”, shkruhet në urimin që Adelajda ia kishte dërguar Eraldos për Vitin e Ri.
31-vjeçarja u nda nga jeta pas një infarkti kongjestiv në zemër. Sipas mjekëve, kjo ka ardhur për shkak të një sëmundjeje të rrallë, e quajtur kardiomiopati, që prek muskulin e zemrës, duke dëmtuar strukturën apo funksionin e barkusheve dhe sjell dobësimin e organit jetësor.
