17 shtatori (nesër) është dita e fillimit të vitit të ri shkollor.
Shefi i Policisë Rrugore të Tiranës, Erion Ahmeti u ka bërë thirrje të gjithë shoferëve dhe prindërve që të shmangin përdorimin e makinave personale gjatë ditës së nesërme dhe të përdorin transportin publik.
Përmes një deklarate, Erion Ahmeti tha se janë marrë masat që të mos ketë bllokim të qarkullimit të mjeteve në Tiranë.
“I bëj apel prindërve dhe shoferëve që nesër të shmangin sa më shumë makinat personale dhe të përdorin transportin publik. Janë marrë masat që të mos ketë bllokim të trafikut me rastin e nisjes së vitit të ri shkollor”, tha Shefi i Policisë Rrugore të Tiranës.
