Aktori turk, Bugra Gulsoy, i cili është bërë i njohur për gjithë shqiptarët me rolin e Gunney-t në serialin “Kuzey Gunney” ka vendosur t’i jap fund beqarisë.
Mediat turke shkruajnë se Bugra dhe e dashura e tij, Nilufer së shpejti do të bëhen prindër për herë të parë dhe për këtë arsye po përshpejtojnë procedurat e martesës.
Ata janë së bashku prej 5 vitesh dhe do të martohen këtë shtator me një ceremoni private, të cilën po mundohen ta mbajnë sa më të fshehtë.
Mediat turke shkruajnë se në dasmën e çiftit të njohur do të jenë të pranishëm vetëm familjarët dhe miqtë e tyre të ngushtë.
