Ditën e djeshme në media është përfolur për fillimin e një lidhjeje midis artistit me famë botërore Drake dhe modeles 18-vjeçare Bella Harris. Këto dyshime kanë lindur pas publikimit të disa fotove ku dyshja është parë duke darkuar në një restorant në Washington D.C, mbrëmjen e së enjtes.
Mesa duket asgjë nuk ka qenë e vërtetë, pasi sipas informacioneve reperi nuk shoqërohet me modelen.
“Nuk ka mundësi që ata të dalin bashkë, ai nuk ka dalë asnjëherë me të”-ka thënë një burim për “Us Weekly”.
Sipas informacioneve vajza që ka darkuar me Drake ishte dikush që ngjante me Harris.
Ndërkohë që vetë modelja i ka hedhur poshtë këto aludime duke sqaruar se nuk ka qenë ajo që ka darkuar me reperin.
“Nuk kam darkuar në Washington kohët e fundit, kam qenë duke punuar dhe darkuar në New York çdo ditë”-ka shkruar 18-vjeçarja në “Instagram”.
Ndërkohë, Drake dhe Bella nuk janë të huaj për njëri-tjetrin pasi ata ndiqen në rrjetet sociale. Në 25 gusht, ajo ka postuar 2 foto me Drake, pasi e ka takuar atë në prapaskenën e një koncerti që ai ka mbajtur gjatë turit të tij.
