Justin Bieber dhe Hailey Baldwin janë betuar për dashuri të përjetshme dhe tashmë janë zyrtarisht burrë dhe grua. Burime për revistën “People” kanë zbuluar se këngëtari i hitit “Sorry” dhe modelja janë martuar pasditen e së enjtes në New York.
“Ata ndoqën vetëm zemrën dhe nuk morën për bazë asnjë mendim.” – rrëfen burimi.
Mos qani se nuk e pamë Justin të veshur si dhëndër, pasi ata kanë realizuar vetëm dasmën civile dhe kanë plane të mëdha për të ardhmen. Burime pranë tyre kanë treguar se çifti i sapomartuar ka zgjedhur të mbajë një ceremoni në Kishë së bashku me miqtë dhe familjarët, më shpejt se ç’mendojmë.
“Kjo nuk është e gjitha! Ata do të organizojnë një festë me personat e dashur, përpara Zotit” – vijon burimi.
Bieber ishte shumë i emocionuar dhe përshpëriste në veshin e të fejuarës vetëm fjalët: “Mezi pres të martohemi zemër!”
Në fund, Justin ka falenderuar zyrtarët që e mbajtën ceremoninë private dhe nuk njoftuan median.
Justin Bieber i propozoi modeles Hailey Baldwin dy muaj më parë, gjatë një feste në Miami.
