Chrissy Teigen i ka befasuar të gjithë teksa ka rrëfyer metodën e pazakontë që ka ndjekur për të luftuar depresionin pas lindjes së fëmijës së saj të dytë.
32-vjeçarja në një intervistë të dhënë së fundmi ka treguar se ardhja e djalit të saj, Miles Theodore, të cilin e priti së bashku me bashkëshortin e saj John Legend në muajin maj, ua ka ndryshuar jetën tërësisht dhe i ka lumturuar pa masë.
Gjatë kësaj interviste, e cila pritet të transmetohet ditën e sotme, Chrissy ka treguar se për të luftuar depresionin pas lindjes së djalit të saj Miles ka ngrënë placentën e saj.
Madje ajo beson se kjo është arsyeja se përse ajo është ndjerë e lumtur pas lindjes dhe gjithë këto kohët e fundit.
Mirëpo kur gazetarja u shpreh me skepticizëm për metodën e placentës, modelja tha se kjo është mëse normale.
“Seriozisht e ke? Kjo nuk është gjë normale? Unë jetoj në Los Angeles, është shumë normale. Madje ata e pjekin në skarë. Mund të provosh pak nga e imja më vonë”, u shpreh Chrissy.
Modelja ka zbuluar gjatë kësaj interviste se tashmë ajo nuk iu kushton shumë rëndësi linjave të saj trupore, pasi më e rëndësishme për të është të ndihet e lumtur dhe të konsumojë të gjitha ushqimet që pëlqen.
Burimi: People
