Ardit Gjebrea konfirmoi se së shpejti do të nisë emisioni “E diela Shqiptare”, së bashku me tre aktorët e humorit Bes Kallaku, Erion Isai dhe Olsi Bylyku. Ata do të nisin rubrikën “Be Caffe”, ku përreth 1 orë do të realizojnë skeçe humoristike si dhe do të ketë të ftuar personazhe nga bota e njohur e ekranit dhe showbizz-it.
Por djemtë, nuk qenkan zhvendosur vetëm në televizionin “Klan”. Burime për “Revista Who” kanë konfirmuar se skenaristi Vangjel Kozma ka braktisur spektalin e humorit në “Top Channel” për t’u zhvendosur në televizionin “Klan”. Kozma ka marë përsipër detyrën e skenaristit të rubrikës “Be Caffe”, në emisionin “E diela Shqiptare”.
Ai është autori i shumë teksteve në “Portokalli” si dhe ka krijuar disa personazhe në këtë spektakël.
